Zehazki, 15:00etatik 21:00ak arte "prezipitazio handiak" iragarri ditu meteorologia zerbitzuak Euskal Autonomia Erkidegorako. "EAEko zenbait lekutan, ordu betean 15 l/m2 baino gehiago pilatu daitezke, bereziki ekialdean", esan du Euskalmetek. "Zaparrada txiki-ertainak eta trumoitsuak botako ditu, baliteke zenbait lekutan handiak izatea eta txingorra botatzea, bereziki ekialdean eta arratsaldean. Ekaitz-guneetan haize-bolada gogorrak izan daitezke".
Biharko, domeka, honako iragarpena egin du Euskalmetek EAErako: "Tenperatura beherago eta zaparrada batzuk, bereziki arratsaldean. Goizean giro lasaiagoa, hodeiak eta urdinguneak zeruan eta han-hemenka zaparradaren bat edo beste bota dezake. Eguerditik aurrera, aldiz, ipar-mendebaldeko haizearekin hodeiak ugaritu egingo dira eta zaparrada giroa nagusituko da, bereziki barnealdean. Ekaitzak jotzeko aukera zapatuan baino txikiagoa da. Giro freskoagoa eta eguneko altuenak 18-20 °C artean geldituko dira". Arrasaterako eta ingururako, 11 eta 19ºC arteko tenperatura iragarri du.