Lehen sektorea biziberritzeko, oztopoei irtenbideak bilatuz

Debagoieneko hainbat baserritar, lehen sektorean diharduten elkarteak, udaletako ordezkariak, auzo alkateak eta beste elkartu dira gaur goizean Arantzazuko auzo etxean Deba Garaia Debagoieneko Landa Garapenerako Elkarteak antolatutako jardunaldietan. Helburua, nekazaritza jarduerak sustatu eta lehen sektorea biziberritzea. Urteko batzar orokorra ere egin dute ondoren.

Identifikatutako oztopoei irtenbideak bilatzea da asmoa, eta gaurko ekinaldiarekin, bide horri eman diote hasiera.

Oztopo nagusiak

Arazo nagusia da lur publikoaren eskaintza txikia dela eta gainera, ez dela dagoenaren transmisiorik egiten. Hori bakarrik ez, izan ere, mesfidantza handia baitago lurrak errentan ematerako orduan. Lotura sentimentala ere beste arazo bat da. Askok ez dute jabetzak errentan eman gura familiatik jaso duten hori bere horretan mantendu gura dutelako. Bestetik hor daude oinordekotzari lotutako arazoak ere.

Aristegik nabarmendu du transmisio barik ez dagoela baserria biziberritzerik eta irtenbideak guztion artean bilatu behar direla. Hala, lankidetza behar dela dio. Erakundeek ere badutela bide horretan zer egin nabarmendu du eta bideak erraztu beharko lituzkeela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.