Barne Produktu Gordina %3,2 handitu da lehen hiruhilekoan

Leire Kortabarria 2016ko mai. 17a, 14:27

Eustaten kontu ekonomikoen aurrerapenak adierazten du EAEko ekonomiak bizkor oneratzen jarraitzen duela, izan ere, Barne Produktu Gordina %3,2 handitu zen 2016ko urtarril eta martxo artean, aurreko hiruhilekoa baino hamarren bat gehiago.

Hiruhileko arteko tasa %0,8 izan da, aurrekoa baino hamarren bat handiagoa. Horri esker, datozen hiruhilekoetan ere “gehikuntza garrantzitsua lortuko dela bermatzen da”, aurreikuspenen egilearen, Eusko Jaurlaritzaren Ogasun eta Finantza Saileko Ekonomia eta Plangintza Zuzendaritzaren esanetan.

Enpleguaren datu aurreratua %1,9 izan zen, lanaldi osoko lanpostu baliokidetan neurtuta; kasu horretan, aurreko datua baino txikiagoa izan da, gutxigatik bada ere.

Zerbitzuek eta industriak, bilakaera positiboa

Sektoreen balio erantsiari dagokionez, kontuen aurrerapenak datu hori zehazten ez duten arren, Ekonomia eta Plangintza Zuzendaritzak dio “zerbitzuek bilakaera positiboa” izan dutela eta industriak “hazkunde erritmo dinamikoa” lortu zuela. Industria ekoizpena %4 baino zertxobait gehiago hazi zen urtarril eta martxo artean, eta industria giroa “gero eta baikorragoa” da. Bestalde, zerbitzuetako negozio zifra %5en inguruan dago oraindik,  “baina turismoaren emaitzak tas ahorren gainetik daude oso garbi”.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak