Debagoiena eredu. Zabortegirik ez! plataformak "hondakinak gaika batzearekin lotuta eta bost puntu dituen" Debagoieneko Ituna izeneko dokumentua sinatzeko ekitaldia antolatu du. Debagoieneko alderdi politiko, sindikatu eta ingurumen arloko taldeak gonbidatu dituzte ekitaldira: maiatzaren 24an, 19:30ean, Arrasateko Portaloian.
Plataformatik jakinarazitakoaren arabera, testua dagoeneko aurkeztu zaie alderdi politiko eta sindikatu guztiei, eta honakoek baiezkoa eman dute: sindikatuen aldetik, ELA, LAB, STEILAS eta ESK sindikatuek. Alderdi politikoen aldetik, berriz, honako hauek: EH Bildu, Ahal Dugu-Podemos, EA, Alternativa, Sortu, Aralar (akaso banaka edo akaso EH Bildu bezala), Irabazi, Gorripidea eta Equo. PSE-EEk eta EAJk, berriz, ez direla bertaratuko esan dute, "baina arrazoiak ez dakizkigu", diote plataformatik.
Eta ingurumen arloko taldeen aldetik, berriz, baiezkoa eman dute Zero Zabor eta Ekologistak Martxan taldeek; eta Greenpeace eta Eguzki elkarteen erantzun zehatzik, berriz, ez dute eskuratu oraingoz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
