Laugarren sailkatu dira Arizmendiko boleiboleko neskak

Arizmendiko gazte mailako boleiboleko taldea.

Asteburuan jokatu dute Arizmendiko boleiboleko neskek lauko finala, eta partidu parekatuak jokatu ostean laugarren sailkatu dira. Lehenengo kanporaketa erabakigarria izan zen, gerora txapelketa irabazi duen Mundaizen kontra 2-2 berdindu ostean, azken set-ean 15-11 galdu zutelako. "Itzelezko partidua" izan zen, Arizmendiko ordezkarien esanetan.

Partidu hori galdu ostean finalera sailkatzeko aukerak galdu zituzten, eta 3. eta 4. postuengatik Fortunako ordezkarien kontra lehiatu ostean 3-1 galdu zuten, baina hura ere partidu oso ona izan zen. Hala, asteburuan lehiarik irabazi ez izanak ez du urte osoan egindako denboraldi ederra ilundu: "Taldeko jokalarien jarrera urte osoan paregabea izan da eta boleibolean jokatzeko erakutsitako gogo honek bailaran boleiko sena piztu duela esanqgo genuke; izan ere, hurrengo urtean, Arizmendik, infantil eta kadete talde bana izango ditu", adierazi dute taldeko ordezkariek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.