Sergio Gartzia oñatiarra izan da nagusi Otala Zelai krosean

Sergio Gartzia helmugara sartzen.

Gartziak (27:10) lasterketaren erdi aldera utzi du atzean David Rua elorrioarra, eta 20 segundo atera dizkio azkenean. Minutu eta erdira helmugaratu dira, berriz, Mustapha Archaoui –lehen aretxabaletarra– eta Gaizka Romero, eskutik helduta. Nesketan eta bakarka, Edurne Elkoroiribe (35:08) izan da nagusi, Oñatikoa hau ere; bikoteka, berriz, Ainhoa Sanz urretxuarrak eta Oxel Sanchez elgoibartarrak (31:05) osatutakoa nagusitu da. 125 partehartzaile inguru izan dira denera.

Nesketan, bigarren izan den Gernikako Janire Arrizabalagari 45 segundo atera dizkio Edurne Elkoroiribek, eta 1:42ra helmugaratu da hirugarrena, Mari Carmen Olaso lasartearra. Aretxabaletako lehen emakumea Zorione Herrasti izan da, laugarren orokorrean.

Bikoteka, berriz, Zizurkilera joan da bigarren postua, eta Arrasatera hirugarrena, Ane Zabalarentzat eta Igor Martinezentzat izan baita.

Nagusien lasterketaren aurretik, neska mutikoenak jokatu dira.

Bakarkako sailkapena

Bikotekako sailkapena

Erlazionatuak

Otala Zelai: adierazpenak

Aretxabaleta Oñati

Sergio Gartzia eta Edurne Elkoroiribe bakarkako irabazleak eta bikote irabazlea.
Otala Zelai krosa

Aretxabaleta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.