Debagoieneko Mankomunitateak hondakinen problematikak gure gizartean suposatzen duena aztertzeko, 1994/95. ikasturtetik aurrera Debagoieneko eskoletan urtero burutzen duen kanpaina osatzea erabaki du. Oraingo honetan, Lehen Hezkuntzako 3. zikloko ikasleei eta DBHko lehen mailako ikasleei zuzendutako ekintzez gain, "Hamaiketako jasangarria egitasmoa" burutzea erabaki du.
Aipatutako ekimen honekin, herritarren artean ohitura jasangarriak sustatzeko eta hondakinen arazoaz kontzientzia hartzeko helburuarekin, behin baino gehiagotan erabili izan dugun "Hondakinik onena, sortzen ez dena" leloari jarraiki, ogitartekoaren bilgarri berrerabilgarrien erabilera sustatu nahi da; hori dela eta, Debagoieneko 312 urte bitarteko ikasle guztiei ogitartekoaren bilgarri berrerabilgarriak banatuko zaizkie.
