Langabeziak, oro har, %11ren bueltan jarraitzen du Debagoienean

Jon Berezibar 2016ko mai. 4a, 11:37

Langabeziak urte hasierako  %11ko tasa urratzen jarraitzen du Debagoienean baina, apal bada ere, behera eginez. Urte hasieran baino 26 langabe gutxiago daude. Arrasaten, ostera, gora egiten jarraitzen du langabeziak, 1.503 langaberekin (%14,41).

Joera negatiboak, hilabeterik hilabete, urte hasieratik eutsi dion udalerri bakarra Arrasate da. Urtarrilean 1.474 langabe zeuden Debagoieneko herri nagusian eta 1.504 langabekoa da maiatzeko kopurua. Eskoriatzaren kasua antzekoa da, 217 langaberekin eta apirilean %10,72ko tasa, %0,5 hazi da langabezia. Bergaran, berriz, martxotik apirilera bitartean, 34 lagunek aurkitu dute lana eta %9,98ko tasarekin amaitu zen apirila.

Maiatzeko Debagoieneko langabezia datuak

  • Antzuola: 69 langabe, tasa: %6,35.
  • Aretxabaleta: 292 langabe, tasa: %8,51.
  • Arrasate: 1.503 langabe, tasa: %14,41.
  • Bergara: 696 langabe, tasa: %9,98.
  • Elgeta: 53 langabe, tasa: %8,94.
  • Eskoriatza: 217 langabe, tasa: %10,72.
  • Leintz Gatzaga: 8 langabe, tasa: %5,84.
  • Oñati: 418 langabe, tasa: %7,86.
  • Debagoiena: 3.256 langabe, tasa: %10,86.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak