Eguraldiagatik baldintzatuta, baina oso giro onean igaro dute goiz-eguerdi partea Oñatin Debagoieneko dantzariek. Kalejirarekin hasi dira Kale Barrian gora zerua urdin zegoela, baina zaparradarekin kiroldegiko kantxan bukatu behar izan dute, eta bertan egin dituzte prestatuta zituzten euskal dantzak.
Etxe Aundin duten bazkarian indarrak hartu, eta arratsaldeko alardea, eguraldiak uzten baldin badie behintzat, Foruen Enparantzan egingo dute 18:00etan. Euria egiten badu, goizean bezala kiroldegian egingo dute.