Erregional preferenteko 28. jardunaldiak Aretxabaletaren eta Bergararen derbia dakar (zapatua, 16:00, Ibarra). UDAko bigarren taldeak ez du apartekorik jokoan, mailari eusteko etxerako lanak eginda daude, baina sailkapenean hirugarren dagoen Bergarak (55 puntu) ez dio bigarren dagoen Mondrari (56) arnasa hartzen utzi gura. Hala, ibarrekoen arteko derbia izatearekin batera Bergarak asko du jokoan.
Ordu erdi geroago (16:30, Mojategi) Mondrak sailkapeneko azken postuetan dagoen Usurbil hartuko du etxean. Antzuolak, berriz, Urkomendiren zelaian jokatuko du, Unben, zapatu arratsaldean (16:30).
UDAk maila galdu du jada
Hirugarren mailan Ondarroako Aurrera taldearen zelaian 3-3 egin ostean matematikek diote UDAk kategoria galdu duela jada. Liga ez dute, baina, amaitu, eta domekan Getxoren bisita izango dute Ibarran (16:30). Ohorezko erregionalean, berriz, liderrari irabazteko gauza izan zen Aloña Mendi domekan (1-0), eta bihar goizean (11:15) ahalik eta goren sailkatzeko kontrario zuzena den Ostadarren zelaian joktuko dute.
