Aresko eskolak antolatutako lehen saskibaloi txapelketa izan zen atzo. Infantil eta kadeteetako neskek hartu zuten parte bertan, eta bi kategorietan Aresko izan zen garaile. Giro aparta izan zen Aretxabaletako Ibarra kiroldegian eta Eskoriatza Kirol Taldeko Lander Goikoetxea koordinatzailearen esanetan: "Gaurko eguneko balorazio positiboa egiten dugu, hau lehen txapelketa izan da, eta hemendik aurrera saiatuko gara urtero antolatzen".
Gipuzkoa, Araba, Bizkaia eta Arabako taldeek hartu zuten parte; Bergarak, Donostiako Askatuak, Durangoko Tabirako-k, Bilboko Eskolapioek, Marianistek eta Areskok. Oporrak direla-eta ez dute ligarik izan azken bi asteotan txapelketan parte hartu duten zortzi taldeek, eta hurrengo jardunaldietarako entrenamendu gisa ederto etorri zaie jokalariei.
Emakumeak eta kirola bultzatzeko asmoz antolatutako ekimenak arrakasta izan du, eta harmailak beteta izan dira egun osoan zehar. Jokalariak ere gustura izan dira txapelketan, eta maila ona erakutsi dute talde guztiek.
Emaitzak:
Infantilak:
Aresko-Tabirako Durango 49-41 (finalaurrekoa)
Aresko-Bergara 51-36 (finala)
Kadeteak:
Aresko-Eskolapioek 51-43 (finalaurrekoa)
Aresko-Askatuak 39-28 (finala)
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak