Gastronomia Zientzien master ofiziala eskainiko du Basque Culinary Centerrek aurten hasita

Basque Culinary Centerren egoitza nagusia.

Gastronomia Zientzien Ikerketako lehen Unibertsitate Master ofiziala abian jarriko du Mondragon Unibertsitateko Basque Culinary Centerrek irailean. Helburua da lanbide-etorkizuna gastronomiako eta elikadurako produktu berrien ikerketaren eta berrikuntzaren eremuan garatzeko aukera ematea.  

Gastronomia Zientzietako graduondoko bat da, 90 kredituko iraupena duena, eta ikerketarako bokazioa duten hainbat diziplinatako gradudunei eta lizentziadunei zuzenduta dago. Gastronomiaren, ostalaritzaren eta elikaduraren sektoreko ikerketan espezializatzeko lehen Masterra da, eta alor horietako ikerkuntzan eta berrikuntzan lan egiteko profesional gaituak formatzea du helburu. Gainera, irakasleei eta doktoreei ere zuzenduta dago.

Masterrak, guztira 90 ECTS dituenak, urte eta erdiko iraupena du. Lehen ikasturtean (60 ECTS) aurrez aurreko eskolak emango dira, irailetik ekainera, Basque Culinary Centerren; eta bigarren ikasturtean (30 ECTS), irailetik otsailera, ikasleak master-amaierako proiektua eta praktikak egin beharko ditu sektoreko Espainiako eta nazioarteko enpresetan.

Argibide gehiago BCCren webgunean dago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.