Aberri eguna ospatuko dute gaur herritar askok

Gaur, martxoak 27, pazko domeka, Aberri Eguna ospatuko dute Euskal Herritar ugarik, tartean baita debagoiendarrek ere. Etxe askotan ohitura da egun honetan ikurrina zintzilikatzea balkoi edo leihoetan, eta aurten ere hala egin du hainbatek bailaran. Alderdi politiko desberdinek eguna ospatzeko eta aldarrikapenak egiteko hitzorduak jarri dituzte hiriburuetan.

Aurten ere Euskal Herriko alderdi politiko abertzaleek Aberri Eguna ospatuko dute, bakoitzak bere aldetik. Ezker abertzalekoak Iruñara joateko deia egin dute, eta EAJk, aldiz, Bilbon ospatuko du. Nobedade modura, lehen aldiz, Ahal Dugu-Podemos Euskadik ere ekitaldi bat antolatu du gaurko egunerako.

EAJ

Eusko Alderdi Jeltzaleak Bilboko Plaza Barrian burutuko du Aberri eguneko ekitaldi nagusia, 11:30ean hasita. Bertan izango dira, besteak beste, Iñigo Urkullu lehendakaria eta Andoni Ortuzar, Euskadi Buru Batzarreko presidentea. Bultzada berri bat da aurtengoan erabiliko duten leloa.

Goizeko ekitaldiaren ostean, bazkaria egingo dute Bilboko Areatzan, mila pertsonatik gora elkartuko direlarik, eta ondoren erromeria izango da Joselu Anaiaken eskutik.

Ezker abertzalea

EH BIldk  eta EH Baik, hego eta ipar Euskal Herriko alderdi ezkertiar eta abertzaleek, azken urteotan bezala, Iruñean ospatuko du gaurko Aberri Eguna, Independentistak sareak deitutako manifestazioarekin bat eginez. 12:00etan abiatuko da martxa Golem zinema aretoetatik.

Manifestazio horretan, "inoiz baino gehiago" aldarrikatuko dute erabakitzeko eskubidea, "aldaketa sozial eta politikorako tresnatzat" baitaukate. Bestalde, arreta berezia jarriko diote ere Ipar Euskal Herrian herri elkargo bakarra osatzearen aldeko aldarrikapenari.

aldaketa politiko eta sozialerako tresnatzat
aldaketa politiko eta sozialerako tresnatzat
aldaketa politiko eta sozialerako tresnatzatBestalde, arreta berezia jarri diete aurten Ipar Euskal Herriko Herri Elkargo bakarraren aldeko borrokari.

Ahal Dugu-Podemos

Euskadiko Podemos-Ahal DUguk aurten antolatu du lehen aldiz Aberri Egunerako ekitaldia. Jendea da gure aberria. Eskubide sozialak eta erabakitzeko eskubidea lelopean egingo dute, Donostian, Nestor Basterretxearen Bakearen Usoa eskulturaren alboan.

Deitzaileek azpimarratu dute eurena ez dela ospakizun "abertzale identitario bat" izango, erabakitzeko eskubidea aldarrikatuko duena baizik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.