Debagoieneko hainbat udalek, Bergarakoak, Arrasatekoak, Oñatikoak eta Antzuolakoak, errenta aitorpena euskaraz egiteko sentsibilizazio kanpaina jarri dute abian beste behin. Etxerik etxe banatuko dituzte argibide esku-orriak datozen asteotan.
Errenta egiteko hiru modu daude, eta guztietan erabil daitekeela euskara gogorarazi dute: mekanizatua, autolikidazio proposamena eta Internet bidezkoa.
Errenta aitorpena aurkezteko epea apirilaren 18tik ekainaren 25a bitartean egongo da zabalik. Hitzordua eskatzeko, kontsultak egiteko eta argibidetarako hona bideak:
- 902 100 040
- Bergarako Ogasuneko bulegoa
- www.gipuzkoa.net/ogasuna
Euskaraz egiten diren errenta aitorpenen kopuruak gora egin du. Iaz, 52.711 izan ziren Gipuzkoan, eta 6.189, Debagoienean; aurten 7.000ra iristea gura dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak