Jardunaldi Gastronomikoak
Debagoieneko Jardunaldi Gastronomikoen bueltan, hainbat proposamen turistiko daude. Jakien ekoizpena ezagutzeko baserriak bisitatzeko aukera dago, Lapatza baserrian (Antzuola), Mendibitzun (Aretxabaleta) edo Gomiztegin (Oñati).
Txokolate-zaleendako, berriz, Oñatiko Txokolateixia dago, txokolatearen interpretazio zentroa. Eta gazia nahiago dutenendako, Leintz Gatzagako Gatz Museoa. Asteburu eta jaiegunetan, 12:00etan (euskaraz) eta 13:00etan (gazteleraz) bisita gidatu bana izaten da.
Natura
Natura gustuko dutenek ezin dute Aizkorri-Aratz parke naturala bisitatzeko aukera galdu. Horretarako, Arantzazun dagoen Parketxetik pasa daitezke, informaziorik osatuena jasotzeko.
Arrikrutzeko kobek martxoaren 24tik 28ra ordutegi berezia izango dute: 09:30-14:40 eta 15:30-19:00. Aurrez erreserba egitea komeni da.
Bestelako bisitak
Oñatin bisita bereziak antolatu dituzte. Martxoaren 24tik 28ra, Sancti Spiritus Unibertsitatea eta San Migel parrokia ikusteko, 13:00etan eta 17:00etan. 15 minutu lehenago San Migel errota bisitatzeko aukera ere izango da (zapatuan unibertsitatera bakarrik).
Arantzazuko Santutegira bisitak Aste Santuan egunero izango dira, 10:30ean, 11:30ean, eta 12:30ean.
Elgetan Intxortako ibilbidea egin daiteke, gerra zibilean bertan gertatutakoa ezagutzeko. Aurrez izena emanda.
Bergaran ere hainbat bisita egin daitezke, aurrez eskatuta: monumentuena, lorategi historikoena edota Errekalderuntz. Horrekin batera, Errekalde jauregiko Laboratorium museoa ere bisita daiteke. Turismo Bulegoa Errekalden bertan dago, gainera.
Eskoriatzan, Ibarraundi museoa eta Zubiate labea zabalik egongo dira Aste Santuan.