Eibarko kirol ereduaren gainean jardungo dute Fran Garagartzak eta Dani Garciak

Fran Garagartza (Mutriku, 1969), Eibar Kirol Elkarteko kirol zuzendaria.

Eibarko kirol ereduaren gainean jardungo du Fran Garagartza Eibar Kirol Elkarteko kirol zuzendariak Bergaran. Mutrikuarrarekin batera, Dani Garcia zumarragarra, taldeko kapitaina, ere izango da. Bihar, eguaztena, 19:30ean, Irizar Jauregian izango dira biak.

Bergara Kirol Elkartearen eta klub armaginaren arteko elkarlan hitzarmenaren testuinguruan sartzen da berbaldia. Manu Diaz Bergara Kirol Elkarteko kirol zuzendariak gidatuko du solasaldia.

Bestalde, eta bi erakundeen arteko lankidetza hitzarmenaren harira, apirilaren 25ean, beste solasaldi bat antolatu dute, 19:30ean, Irizar Jauregian bertan. Aurora Gil elikagaietan adituak futbolari gazteen elikaduraren gainean jardungo du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.