Abisu horia haizeagatik eta alerta laranja prezipitazioengatik, eguerditik aurrera

Ibaia euriteen ondorioz hasita.

Elurragatik ere abisu horia ezarri dute, 12:00etatik 00:00etara. Elur-kota jaisten joango da, egunean zehar. Eguerdi partean 1.000 metro inguruan egongo da eta gauean 600 metro ingurura jaitsiko da. Tarteka, 500 metrora ere bota dezake.

Alerta laranja ezarri du Meteorologia Zuzendaritzak prezipitazio iraunkorragatik, Bizkaian eta Gipuzkoan, 12:00etatik 00:00etara ordu lokala. Kantauri isurialdeko zenbait puntutan, 24 ordutan, 60-80 l/m² inguru pila daitezke, hilak 9, 12:00etatik, hilak 10, 12:00etara bitartean. Egunaren bigarren partean eta Kantauri isurialdean trumoi-ekaitzak eta txingorra bota ditzake.

Haize boladengatik, gainera, abisu horia ezarri du Meteorologia Zuzendaritzak 10:00etatik 00:00etara. Haizeguneetan, ipar-mendebaldeko haize-boladek 100 kilometro orduko abiadura gaindituko dute. Haizeguneak ez diren lekuetan boladak 60-80 kilometro orduko ingurukoak izango dira.

Horretaz gain, eguerditik aurrera abisu horia ezarri dute elurragatik, barnealdean.  Prezipitazio txiki-ertaina egingo du, zenbait lekutan oso ugaria eta iraunkorra, batez ere Kantauri isurialdean. Kantauri isurialdean, gainera, trumoi-ekaitzak eta txingorra bota ditzake.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.