Leku guztiak beteta, defentsa pertsonaleko mintegian

50 emakumerendako lekua zegoen eta dena bete da, bihar,  zapatua, Bergaran egingo den 14 urtetik gorakoendako emakumeendako defentsa pertsonaleko mintegian –10:00-13:00etara, Agorrosinen–. "Aretxabaletako, Eskoriatzako, Oñatiko eta Debabarreneko emakumeak etorriko dira", esplikatu du Josean Iñarrak, mintegian parte hartuko duen irakasleetako batek. 

Emakumeak ez ezik, irakasle-gidariak ere nahikotxo izango dira biharko mintegian: bost. "50 emakume izanda, asmoa da bakoitzari azalpenak emanda, hamarreko taldeetan jarri eta erakutsitakoa praktikan jartzerakoan zuzenketak hobeto egin ahal izatea", azaldu du Iñarrak. Mintegiaren gidari, edozelan ere, emakumezkoa izango da: Isabel Gomez Serrano ermuarra, "normalean gizonak izaten gara gidari, baina oraingoan ahalegina egin dugu emakumea izan dadin", esplikatu du Iñarrak. 

Elkartasun ukitua

Bestalde, defentsa pertsonala lantzeaz gainera, elkartasuna ere landuko dute bihar. Izan ere, mintegian parte hartuko duten emakumeek. beronen truke, elikagaiak eramango dituzte. Eta gero, elikagaiok  Bergarako Elikagai Bankuari emango dizkiote. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.