Izena emateko epea gaur eguerdian bukatuko da. Hona lekuak: Eskoriatzan, Inkernun; Aretxabaletan, Urbaltzen; Arrasaten, Iratin; Bergaran, Arranon, Txokoloterixan edo Pol Polen; eta Oñatin, Boga tabernan.
Leintz aldekoak elkarrekin joango dira. 15:00etan irtengo dira Eskoriatzatik, 15:15ean Aretxabaletatik pasatu eta 15:30ean Arrasatekoak jasoko dituzte. Oñatitik ere 15:30ean irtengo da autobusa, eta Bergarakoa, ostera, 16:30ean. Eta guztiak elkartuko dira Donostian. Antolatzaileek aditzera eman dute "irribarre jendetsua" irudikatzeko ekitaldia izango dela.
