Prozesu komertziala hobetu nahi duten enpresendako ikastaroa antolatu du Garapen Agentziak

Apirilaren 15etik aurrera, Salmenta eta Kudeaketa Komertziala ikastaroaren beste edizio bat jarriko du abian Debagoieneko Mankomunitateko Garapen Agentziak. Enpresaren salmenta eta prozesu komertziala hobeto kudeatzen ikasteko balioko du ikastaroak, eta prozesu komertziala hobetu nahi duen edozein enpresari dago zuzenduta. Gipuzkoako Bazkundeak emango du ikastaroa. Izen-emate epea zabalik dago.

Honako metodologia hau izango da:

  • Taldekako formazioa: Aurrez aurreko bost formazio saio egingo dira; eduki teorikoen azalpena simulazio eta ariketa praktikoekin azalduko da, eta enpresa bakoitzean izan dezakeen aplikagarritasuna landuko da.
  • Enpresa bakoitzari banakako laguntza: Saio hauen helburua da partaideek salmenta eta kudeaketa komertzialarekin lotutako benetako proiektu bat enpresan garatzea eta ezartzea. Horretarako, hiru orduko lau lan saio egingo dira formazio saioekin tartekatuta.

 Helburu zehatzak honako hauek dira:

  • Plan komertzial bat diseinatzeko gaitasunak garatu.
  • Bezeroekin negoziatu eta gatazkak konpontzeko gaitasunak hobetu.
  • Arrakastaz negoziatzeko pertsonen arteko trebetasunak hobetu.
  • Bezero izan litezkeenekin harremanak hobetzeko jarrerak ezagutu/identifikatu.
  • Bezeroekiko komunikazio estrategian kontuan izan beharreko osagarriak/elementuak ezagutu.
  • Solaskideak identifikatu, ikusgai eta ikusezinak, beraien interesak, profila eta estiloa.
  • Salmenta prozesuan eman beharreko pausoak zehaztu, bezeroen beharrak kontuan izanik, beraien beharrak eta motibazioak adieraziz.
  • Merkataritza kudeaketa eta negoziazio prozesua modu eraginkorrean garatzeko beharrezkoak diren teknika eta tresna desberdinak ezarri.
  • Etorkizunean erlazio positiboak bermatzeko “irabazi-irabazi” konponbideak lortu.

Aurrez aurreko saioak Debagoieneko Mankomunitatearen Arrasateko egoitzan izango dira, eta programa eta ordutegia hauxe izango da:
 
 1. saioa: Planifikazio komertziala.
     Apirilak 15. 08:30etik 13:30era.
 
 2. saioa: Bezeroen segmentazioa. 
     Apirilak 22. 08:30etik 13:30era.

 3. saioa: Bezero berriak lortzeko elkarrizketak.
     Apirilak 29. 08:30etik 13:30era.
 
 4. saioa: Salmentarako abilezia eta gaitasunak. 
    Maiatzak 6. 08:30etik 13:30era.

 5. saioa: Bezeroen fideltasuna.
     Maiatzak 13. 08:30etik 13:30era.
 
Informazioa eskatzeko, 943 79 30 90 telefonora deitu edo enpresa@debagoiena.eus helbidera mezua bidali behar da. Doakoa da, baina leku kopuru mugatua dago eta aukeraketa izen-emate ordenaren arabera egingo dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.