Asteburuan Bergarako Zabalotegi aretoan egin dituzte Kantari karaoke ikuskizuneko grabaketak eta guztira 230 gaztetxo igo dira taula gainera abestera. Antzuolako, Bergarako eta Elgetako gaztetxoek profesionalek bezala abestu zuten eta askotariko jantziak eta osagarriak eraman zituzten.
Bertaratu ziren parte-hartzaileen gurasoak, anai-arrebak, aiton-amonak eta lagunak, eten barik ibili ziren gaztetxoak animatzen, eta primerako giroa izan zen Zabalotegin.
Zapaturo estreinatzen dira Kantariko bi saio berri Goiena telebistan. Orain, Aretxabaletan grabatutako saioak ikus daitezke. Martxoaren 12an hasiko dira Oñatiko saioak eskaintzen, eta horien ostean, Bergaran grabatutako saioak, apirilaren 9tik aurrera ikusi ahal izango dira Goiena telebistan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
