Ibaiak oso hazita datoz eta Oñatira bidean lur-jausi txiki bat dago

Elorregitik Oñatira bidean dagoen lur-jausia.

Euri zaparrada mardulek jarraitzen dute eta Arrasaten 17:45erako 93,4 litro metro karratuko jaso dira. Ondorioz ibaiak oso hazita datoz eta lur-jausiren bat ere gertatu da, Elorregitik Oñatira bidean, esaterako. Hortaz, argi errepideetan eta ibai bazterretan.

Arrasate: Elorregira bidean izugarrizko putzuak daude eta errepidea oso arriskutsu dago.

Aretxabaleta: Herrirako lehenengo sarrera, Arrasatetik bueltan, itxita dago ibaiak gainezka egin duelako.

Elorregin jasotako ur kopurua, ostera, 75 litro metro karratuko da, eta hango bazterrak, bidegorria ere bai, urez gainezka daude. 

Arrasaten, bestalde, Gesalibar auzoan sortu dela arazoren bat edo beste jakinarazi dute Udaltzaingotik, eta aztertzen dabiltza baserriren bateko bidea ixtea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.