Iragarritako legez iritsi dira euri zaparrada mardulak, haize bolada zakarrak eta elurra. Leintz Gatzagako errepidea itxita egon da goizeko lehen orduetan baina dagoeneko zabaldu dute; gainerako errepideetan kontuz ibili behar bada ere ez dago aparteko arazorik Segurtasun Sailetik aditzera eman dutenez. Haizeak hainbat apurketa eragin ditu han eta hemen, eta ibaiak ere kezka iturri dira.
Eguneraketa (16:30): Arrasaten orain arte pilatutako euria 75,1 litro metro karratuko.
Arrasateko Biteri plazan jarritako karpak hankaz gora agertu dira haizearen ondorioz. Eta Maalan seinale bat bota du. Hala ere, Udaltzaingotik jakinarazi dute oraingoz ez dutela jaso beste gertakariren baten berririk.
lbaiak hazita doaz, baina oraingoz ez dute arazorik sortu. Euskametek aditzera eman duenez oraindik euri asko egingo du eta elurra urtzerakoan ibaien emaria igo egingo da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
