Zortzigarren urtez antolatu dute lehiaketa. Aurtengoa ere Debagoiena osoko DBHko hirugarren eta laugarren mailan ikasten ari diren gaztetxoei zuzenduta dago eta ikasleen sormenean eragitea du helburu, ikus-entzunezko euskarria erabilita.
Zuretzat zer da konfiantza? galdera da gaia, objektua zuhaitza eta esaldia: zu modukorik ez dago munduan. Lanak bi minutu izan behar ditu gehienez eta youtubera edo vimeora igo ondoren, helbide honetara bidali behar da esteka: komunikazioa@arizmendi.net.
Apirilak 7 da lanak entregatzeko epea eta epai mahaiak irizpide hauek izango ditu kontuan, besteak beste, iritzia ematerakoan: orijinaltasuna; teknikoki irudi, soinu eta muntaiaren egokitasuna; gaiaren trataera eta musika. Epaimahaiak bi sari emango ditu, dirutan, eta Ikuslearen Saria boto bidez aukeratuko da.
