Eguna esnatzerako Euskal Herriko hainbat bazter zuritu ditu elurrak. Debagoienari dagokionez, elurra ari du Arlaban, Kurtzeta, Udana eta Gatzagako mendateetan, eta kontuz gidatzea gomendatzen du Segurtasun Sailak. Gomendio bera egin die AP-1 autobideko erabiltzaileei ere; kasu horretan, gainera, izotza ere badagoela dio Eskoriatzatik Gasteizerako tartean. Euskalmeten iragarpenaren arabera, egoerak okerrera egingo du arratsaldean zehar; negu giro gordina iragarri du.
Iragarpenaren arabera, zaparrada txikiak botako ditu gau; Kantauri isurialdean ertainak; eta sarriago, eguerdi partean. Egunaren amaieran hegoaldean atertu egingo du, baina Kantauri isurialdean trumoiak jo eta txingorra botako du.
Elur-kota goizaldean 700-800 metro inguruan kokatuko da eta goizean zehar 500 metrora jaitsiko da; baliteke arratsaldean 300-400 metrora jaistea. Ipar-osagaiko haize bizia ibiliko da, eta gogor joko du, tarteka. Tenperatura dezente jaitsiko da eta, egunaren amaieran, izotz txikia egingo du barnealdean eta ertaina mendi inguruetan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
