Antzuola burua ezin altxa dabil sailkapeneko azken postuan zazpi punturekin eta Bergara, berriz, seigarren postuan dago goiko postuen bila borrokan, 30 punturekin. Bergarak hiru puntuak lortu zituen aurreko jardunaldian, bere atzetik doan Ikasberri taldearen aurka, eta Antzuola, berriz, sei gol jasota bueltatu zen Azpeititik. Antzuola ondo ez dabilen arren, etxean jokatuko du, eta, hala, dena emango du.
Mondra, berriz, liderraren atzean da, bigarren postuan, eta, Aretxabaletari tarte handia ateratzen dion arren, ez du bigarren postutik jaitsi gura. Aretxabaleta hamaikagarrena da sailkapenean, eta, aurreko bi jardunaldietan porrota jasota, irabaztea tokatzen zaio.
