32 urteko kartzela zigorra berretsi dute Beñat Aginagalderentzat, Isaias Carrascoren hilketagatik

Auzitegi Gorenak berretsi egin du Espainiako Auzitegi Nazionalak Beñat Aginagalderi ipinitako zigorra: Arrasateko zinegotzi sozialista Isaias Carrascoren hilketaren errudun egin du eta 32 urteko espetxe zigorrari egin beharko dio aurre, beraz, Aginagaldek.

Auzitegi Nazionalak absolbitu egin zuen hasieran, froga nahikorik ez zegoela-eta, baina Auzitegi Gorenak ebazpen hori bertan behera utzi eta epaiketa berriz egiteko agindu eta gero, bigarrenez epaitu zuen iazko ekainean. 32 urteko kartzela zigorra ezarri zion orduan eta Auzitegi Gorenak berretsi egin du zigorra orain. Berak ez zuela Isaias Carrasco hil esan du Aginagaldek, aldiro.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.