Sailkapenean bosgarren postuan daude Riberaren mutilak, eta hurrengo partidua Muskizen kontra izango dute, Ibarran. Muskiz bigarrena da sailkapenean, eta lehia gogorra izango dute. Bestalde, Aretxabaletak beste partidu bat irabazten badu, taldekide bakoitzak solomillo bana jasoko du. Hala adierazi die euren babesleetako bat den Okelaetxek. Denboraldia amaitzean seigarren postutik gora geratzen badira, berriz, afari batera gonbidatuko du talde osoa.
Eskoriatza joanekoaren bila
Eskoriatzak aurreko jardunaldian liderraren galduta, Gora Bilbo taldearen aurka jokatu beharko du, etxetik kanpora. "Joanekoan 3-0 galdu genuen etxean Bilbokoen aurka, baina orain gehiago garela uste dut", adierazi du Antonio Tenak, Eskoriatzako entrenatzaileak.
Mondrate, gora begira
Gipuzkoako ligan diharduen Pizza Per Tutti Mondrate taldea zortzigarren dago sailkapenean, eta azken postuetan dagoen Jaixki taldearen aurka jokatu beharko du asteburuan. Partidu zaila izango dute, aurkariak zulotik irten nahian dabiltza eta.