ISO 9001 Araua kalitatearen berme eta kudeaketan, edozein motako eta sektoreetako enpresentzat eredu bilakatu da. ISO 14001 Araua, berriz, ingurumen kudeaketarako sistema nagusia.
Bi arau horien azken bertsioak 2015eko irailean onartu ziren, eta aurreko edizioekiko aldaketa sakonak dakartzate. Aldaketa horiek enpresei zuzenean eragingo diete.
Aldaketak eta eraginak enpresa txiki eta ertainei azaltzeko jardunaldia izango da Garapen Agentzian otsailaren 1ean. 10:00etan hasiko da eta ordu bete iraungo du. Laukide Kudeaketa Zerbitzuetako Asier Goenagak eta Olimpia Martinezek gidatuko dute saioa. Izenematea zabalik dago honako bideetatik: enpresa@debagoiena.eus / 943 793 090.