Errefuxiatu eta migratzaileen batzarrean giro ezin hobea izan da Arrasaten

Migratzaile eta Errefuxiatuaren Nazioarteko Eguna da gaur, eta ederki ospatu dute jaia Euskal Herri osotik etorri direnek. Arantzazuko mezan parte hartuz hasi dute goiza, eta ondoren, Mesedeetako Amen eraikinean bazkaldu dute, Saiatuz boluntario taldekoek prestatutako paella goxoak janez. Arratsaldean berriz, kontzertua, antzerkia, poesia… izan dute egunari amaiera biribila emateko.

Arrasateko Etorkinen Pastoralak antolatutako ekitaldian 350 pertsonatik gora izan direla adierazi du Leire Atxega Elizbarrutiko etorkinen pastoraltzako arduradunak: "Arantzazuko basilikan goiza pasa dugu, mezan parte hartuz, eta 350 lagun inguru batu gara autobusetan, kotxe partikularretan berriz, gehiago batzuk".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.