Maider Otamendik ordezkatuko du Marian Beitialarrangoitia legebiltzarrean

Maider Otamendi.

Maider Otamendi eskoriatzarra Gasteizko legebiltzarreko kide izango da. EH Bilduko Marian Beitialarrangoitia ordezkatuko du, horrek Madrilgo gorteetara joateko agur esan ostean.

Orendainen jaioa da Otamendi eta Eskoriatzan bizi da. 39 urte ditu eta ingeniaritza ikasketak egin ondoren arlo horretan dihardu lanean. Gaztetatik dabil politikagintzan Eusko Alkartasuna alderdian hain zuzen ere, eta azken urteotan EH Bildu koalizioan. Eskoriatzako udalean bi agintaldi oso egin ditu zinegotzi. Hirugarren bat ere hasi zuen, Gipuzkoako Aldundiak 2013an deitu zion arte, Finantza eta Aurrekontuetako zuzendari izateko. EH Bilduren sozioekonomia lantaldeko kide ere bada egun.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.