Industria prezioak %0,3 murriztu dira hilabete baten

Leire Kortabarria 2015ko abe. 26a, 08:00

Euskadiko industria prezioen indizea %0,3 jaitsi da urritik azarora. Datu horien arabera, azaroko urte arteko tasa (azken 12 hilabeteetan izandako aldakuntza) %3,2 murriztu da. Eustat erakundeak emandako datuak dira horiek.

Sektorekako azterketa xeheagoak agerian jartzen duenez, 2015eko azaroan, Erauzketa industriak (%0,8), eta Produktu farmazeutikoen fabrikazioa (%0,5) adarrek gehitu zituzten gehien prezioak, aurreko hilaren aldean. Jaitsierarik handienak honako azpisektoreetan izan ziren: Kokeriak eta petrolioa fintzea (%-1,2) eta Metalurgia eta metalezko produktuak (%-0,7).

2015eko azaroan, 2014koaren aldean, prezio-hazkunderik handienak honako alorretan izan ziren: Ehungintza, larrugintza eta zapatagintza (%2,0) eta Garraio materialaren fabrikazioa (%1,7). Jaitsierak: Kokeriak eta petrolio fintzea (%-22,8), Metalurgia eta metalezko produktuak (%-3,9).

Ondasunen helburu ekonomikoaren araberako sailkapenari jarraituz, aurreko hilaren aldean, azaroan sektore-talde handietako prezioen bilakaerak askotarikoak izan ziren. Energiaren prezioak %0,6 jaitsi dira, eta Bitarteko ondasunenak, %0,4; Ekipo ondasunenak, aldiz, %0,2 gehitu dira eta Kontsumo- ondasunenak %0,0; horien barruan, Kontsumo-ondasun ez-iraunkorrenak %0,1 gehitu eta iraunkorrenak %0,1 jaitsi dira.

Ondasun-talde handi horietako prezioen aldakuntzak negatiboak dira urte artean, Ekipo ondasunetan izan ezik, non %0,7 gehitu diren. Energia %-12,2; Bitarteko ondasunak %-2,4; Kontsumo-ondasunak %-0,4. Azken horien barruan, Kontsumo-ondasun iraunkorren prezioak %- 0,2, eta ez-iraunkorrenak %-0,5.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak