Gipuzkoako Foru Aldundiaren 2016ko aurrekontuen proiektuak oposizioko taldeen bederatzi ekarpen jaso ditu, guztira 1,55 milioiko balioa dutenak. Zuzenketak ekonomia sustapenean eta landa garapenean izan dira eta Foru Gobernuak Batzar Nagusietako taldeekin egin dituen batzarren fruitua dira. Zehazki, EH Bilduren lau proposamen eta Alderdi Popularraren bost gehitu zaizkio aurrekontuaren proiektuari.
Zuzenketak Batzar Nagusietako Ogasun eta Finantza Batzordean eztabaidatu eta bozkatu ziren martitzenean.
EH Bilduk proposatutako lau ekimen onartu dira. Horietatik bi, 900.000 euroko balioarekin, ekonomia sustapen arloan izan dira. Batetik, zailtasunak dituzten enpresa txikiei laguntzeko 600.000 euro bideratuko dira, eta, bestetik, tokian tokiko enplegua sustatzeko, beste 300.000. Landa garapenaren arloko bi zuzenketek lehen sektorea sustatzeko bi programa beste 400.000 eurorekin indartzea proposatzen zuten.
Alderdi Popularraren bost erdibideko zuzenketa ere onartu dira, bakoitza 50.000 euroko balioarekin, eta denak ekonomia sustapenaren arlokoak. Hobekuntza horiek enpresen arteko elkarlana laguntzea, ekintzailetza sustatzea, heziketa duala, industriarendako plan estrategikoak eta tokiko talentuak indartzea dute helburutzat.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak