Bergararen eta Aretxabaletaren arteko partiduan Ibai Leizeagak egin du 1-0ekoa. Lehenengo zatian mahoneroak gehiago izan dira, Aretxabaleta baloi luzeko jokaldietan ahalegindu da kontrarioaren areara iristen, baina gol aukera garbirik sortu barik. Hala, bigarren zatian markagailua kontran Aretxabaletakoek aurrera egin dute, Bergara gehiago estutuz, baina orduan aprobetxatu dute mahoneroek lasaitasunaren gola egiteko (Aitor de Benitok faltaz, 80. minutuan).
Erregional preferente mailan derbia izan da domeka arratsaldean Agorrosinen, Bergararen eta Aretxabaletaren artean, eta mahoneroendako izan da garaipena (2-0). Kategoria berean, garaipena Antzuolarendako (4-1) eta baita Mondrarendako ere (1-3); arrasatearrak bigarren postura igo dira hiru puntu horiekin. Hirugarren mailan, UDAk puntu bat ekarri du Getxotik, eta ohorezko erregionalean Aloña Mendik galdu egin du etxean (1-3).
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak