Gipuzkoan 55 haur eta nerabek harrera familiak behar dituzte

Zapatuan, Haurren Eskubideen Nazioarteko Egunaren biharamunean, Gizarte Politikako diputatu Maite Peñak jardunaldi bat egin zuen Gipuzkoako harrera familiekin batera. Bertan, familien lana txalotu eta eskertu zuen; izan ere, 74 harrera berri egin dira urte hasieratik.

Egiteko lana dago oraindik

Hala ere, 55 haur eta nerabe familia baten zain daude, eta, diputatuak adierazi zuenez, ahalegin berezia eskatzen da horiekiko, askok aterabide zaila dutelako: “7 urtetik gorakoak direlako, osasun arazoak dituztelako, elkarrekin mantentzea komeni den anai-arrebak direlako edota bi urtez azpiko harrerak izatea aurreikusten delako”.

Legeak harrera familien eredua gomendatzen du ume eta gazteentzat, eta laguntza deia egin dute familia bat behar duten haurrentzat. Adingabe horiek familiaren ereduaren baitan haz eta hez daitezen konpromisoa hartu zuen Maite Peñak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.