Aizkorri, Aloña, Udalatx, Kurtzebarri, Anboto…, inguruko mendi tontor garaienak zurituta ageri zaizkigu domeka goizez. Eguraldi iragarpenek asmatu egin dute. Euskalmetek, elur maila 700-900 metrotan kokatu du domeka arratsalde iluntzerako eta abisu horia eman du barnealdean domeka eguerditik gauerdiraino. "Prezipitazio txiki-ertaina eta ugaria egingo du. Kantauri isurialdean, oso ugaria. 1.000 metrora, bestalde, elurrak 5-15 zentimetroko lodiera hartuko du". Arantzazun apur bat zuritu du gauean, Pello Zabalak dioenez, baina ez da askorik espero, "karga gutxi" dakarrelako ekaitzak.
Bidali elurretako argazkiak Whatsappez: 688 69 00 17
Hauxe dio Pello Zabalak Arantzazutik: "Atzo, zapatua, 40 litro zenbatu ziren Arantzazun; gaur 5-6 litro batu dira, oraingoz; bihar, gutxiago eta hotzago egingo du, baina eguzkiak epelduko du apur bat".
Negua heldu da, berandu bada ere, modu gordinean, baina laburra izango da, oraingoz, negualdia.
Udalatx, domeka goizean, Bedoña aldetik.
Arantzazu, domeka goizean, Goiko Benta aldean (Argazkia: Goiko-Benta ostatua).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
