Arrasateko Ford Mugarri Arrasateren eta Izarraitz Taberna Aloña Mendiren arteko derbia goiz iritsi zen, goizegi. Bosgarren jardunaldian bi taldeek sailkapenean agintzen zeudela neurtu zituzten indarrak, baina partiduek aurrera egin ahala aurrean jarraitzen dute biek.
Hasiera batean badirudi maila nazionaletik kategoria galdu berri duen Ford Mugarrik Euskadiko Txapelketan aurrean egon beharko zukeela, baina taldean egon diren aldaketekin iazkoa ez zen inondik inora erreferentzia, eta lider daude 15 punturekin.
Eta zer esan Oñatikoen gainean, mailaz igo eta urte txukuna egiteaz konformatu ez, eta puntu bat gutxiagorekin (14), baina hor daude, aurrekoek huts noiz egin zain. Hala, zapatuan bi taldeek jokatuko dute etxean, biek 18:00etan, eta biek sailkapenean erdialdean dauden bi talderen kontra, Escolapios eta Tolosa.
Eta aipamena merezi dute, baita ere, Aloñako neskek, Euskal Ligara igotzeko helburuaz dabiltzalako; asteburuan, baina, atseden izango dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
