Eraikuntzaren sektoreak krisiari buelta eman gabe jarraitzen du, nahiz eta igoera txikiak dituen. Izan ere, Eustatek emandako datuen arabera, sektorea %0,9 jaitsi zen urteko hirugarren hiruhilekoan iazko epe beretik, hau da, urte artean.
Etxegintzak gora egin du, baina obra zibilak krisian jarraitzen du eta horrek indize orokorra beherantz bultzatzen du. Zehazki esanda, obra zibilak, hau da, azpiegiturak egiteko obrak, %18,8ko murrizketa izan zuen iazko epe beretik; etxeen eraikuntza %2,9 handitu zen epe berean.
Urtaroen eragina zuzenduta, aurtengo bigarren hiruhilekotik hirugarrenera %1,4 jaitsi da eraikuntza sektorea.
Enpleguari dagokionez, eraikuntza sektoreak %1,1eko jaitsiera izan du bigarren hiruhilekotik hirugarrenera. Bigarren hiruhilekoan ere %1,2ko jaitsiera izan zuen urte hasieratik.
