Milango EMO azokan parte hartu dute hainbat euskal enpresak, tartean Danobat Group Soraluce eta Fagor Automation kooperatibek. Urriaren 5etik 10era izan da. 1.300 erakusle eta 150.000 bisitari izan ditu aurten, eta Hego Euskal Herriko eta Espainiako 54 enpresak parte hartu dute.
Danobat Group Soralucek makina-gama berria aurkeztu du Milanen, diseinu kontzeptu berriarekin egina. Hain zuzen, langilearen beharrak hobeto ase nahi dira makina horiekin, ergonomia eta segurtasun hobeak eskainiz.
Fagor Automationek, bere aldetik, soluzio absolutua duten kaptazio-sistema irekien familia berria aurkeztu du; baita erresoluzio nanometrikoak dituzten erregelen familia berria, eta zenbaki-kontrol berria, fresatzaileetarako prestazio berriak dituena.
2016ko maiatzaren 30etik ekainaren 4ra arte izango da Espainiako Makina-Erremintaren Biurtekoa, BECen, eta dagoeneko parte-hartzaile batzuen berri eman du antolakuntzak. Hain zuzen, Mondragon Korporazioko Danobat Group Soralucek eta Fagor Automation bertan izango direla aurreratu dute. Izan ere, Milanen nazioarteko azoka baten parte hartu dute hainbat enpresak, eta hango berritasunak BECen ere erakutsiko dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak