"Badira zona teknikoak baloratzen dituzten ikusleak, ibilgailu bat zulo batetik zelan irteten den ikusteaz gozatzen dutenak. Eta, badira odol gosez joaten diren ikusleak ere [Barre], hau da, putzu batean auto bat ez aurrera eta ez atzera dabilela ikusteaz gozatzen dutenak. Bada, guztiek gozatzeko moduko zirkuitua jarriko dugu"
Sei edo zazpi lagun bailaran
Oñederrak aurreikusten du zapatuan 20-25 ibilgailu inguruk –prototipoak eta kaleko ibilgailuak– hartuko dutela parte erakustaldian: "Debagoienean sei lagun inguru egongo gara halako ibilgailuekin. Zaletasuna egon badago, baina gutxi animatzen dira halako auto bat prestatzera. Horrekin batera Atxondotik, Elorriotik, eta noski, Nafarroatik etorriko dira. Izan ere, Nafarroan zaletasun handia dago".