Desgaituek erabat kudeatutako lehen supermerkatua ireki dute Eroski eta Gureak taldeek

Azpeitiko Eroski/City supermerkatuan, langile bat eta bezero bat.

Eroski eta Gureak taldeek desgaitasunen bat duten pertsonek erabat kudeatutako Espainiako lehen supermerkatua inauguratu dute. Azpeitian dago eta Eroski/City frankizia supermerkatua da. Eguena ezkero zabalik dago.

Eroski Taldearen esanetan, "berrikuntza sozialeko proiektu horrek laneratzeko aukera berriak ekarriko dizkie
desgaitasunak dituztenei, eta, jendaurreko harreman zuzenaren bitartez, gizartean ikusgarri jarriko dira haien gaitasun eta trebetasun askotarikoak".

Azpeitiko supermerkatuko dendaburu Izaskun Zinkunegik honako hau esan du: "Talde osoak dugu ilusio berezia, eta prest gaude esperientzia berri honi ekiteko. Zenbait hilabetez prestatu gara Eroskiren beste denda batzuetan, eta prest gara proiektu hau aurrera ateratzeko. Desiotan gaude gure bezeroak zerbitzatzeko".

320 metro koadro

Saltokiak 320 metro koadro ditu, eta marka liderretako, marka propioko eta tokiko 3.500 produktu mota izango dira; berebat elikagai freskoak, bereziki sasoiko eta  tokiko frutak eta barazkiak. Labe propioa ere badu supermerkatuak, okintzako
produktu egin berriak egunero saltzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.