Beñat Arnaizek irabazi du Empuriebravako ironman erdia

Gasteizko ironman erdian lortutako emaitza apartaz –hirugarren postua– konformatu ez eta Beñat Arnaizek urrira arte luzatu du denboraldia, eta esfortzuak merezi izan du, atzo, domeka, Aretxabaletakoak Empuriebravako ironman erdia irabazi zuelako (4:13:51). Podiumera igo, eta ohi duen moduan 2014an hil zen Kepa Jauregi lagunari eskaini zion garaipena: "Borobildu dugu urtea, Amets Arzallusek bertso on baten dioen moduan, familiarena den garaipen hau eskaintzen diot Kepari". [Bideoa iazko lasterketakoa da].