Zarauztarrak lortu du lehen postua Amaian, eta modu horretan final laurdenetarako txartela eskuratu du. Haren atzetik, Eneritz Artetxe eta Iñaki Gurrutxaga sailkatu dira, hurrenez hurren. 310 bertsozale elkartu dira aretoan. Bihar amaituko da final zortzireneko fasea, Andoainen jokatuko den saioarekin.
Felix Zubiak irabazi du Arrasaten jokatu den Gipuzkoako Bertsolari Txapelketako bosgarren eta azkenaurreko final zortzirena. Gaur lortu duen lehen postuari esker, zarauztarra zuzenean sailkatu da azaroaren 1ean Ormaitzegin jokatuko den final laurdenetako saiorako. Biharko Andoaingo azken final zortzirenarekin jakingo da Arrasateko saioko beste inork egiten duen aurrera, orduan jakingo da-eta, puntuazioaren arabera, final laurdenetarako ze bertsolari sailkatuko diren. Hona hemen gaurko puntuazioak.
- Felix Zubia: 431
- Eneritz Artetxe: 421,5
- Iñaki Gurrutxaga: 417,5
- Haritz Casabal: 412
- Egoitz Eizagirre: 382,5
- Aratz Igartzabal: 373
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak