Langabeziak zertxobait behera egin du Debagoienean

Ehuneko 11, 67koa izan da Debagoieneko langabezia irailean. Hala erakusten dute gaur bertan publikatutako datuek. Arrasate da tasarik altuena duen herria, eta baxuena duena, aldiz, Leintz-Gatzaga.

Abuztuko zenbakiekin alderatuta, ez da aldaketa nabarmenik izan, baina 18 pertsonatan murriztu da langabe kopurua. Hala, Arrasate da biztanleria aktiboaren zati handiena lanik gabe duen herria, 14,89ko tasarekin. Ondoren, Bergara dator, 12.07rekin, eta segidan Eskoriatza, 10. 81ekin.

Kontrara, Leintz-Gatzaga da langabezia gutxien duen herria. Bertan 3 pertsona daude lan barik, biztanleria aktiboaren ehuneko 2,19a, hain zuzen. Eta Oñati da bailarako herri handietatik tasarik baxuena mantentzen duen herria, 7,99ko tasarekin. Gainontzeko herriak, Antzuola, Aretxabaleta eta Elgeta alegia, 8 eta 9 punturen bueltan dabiltza.

Urte hasierako datuekin alderatuta, ia puntu batean jeitsi da langabeen tasa ibarrean. Herri guztietan murriztu da langabe kopurua, Antzuolan izan ezik. Bertan, urtarrilean baino bederatzi pertsona gehiago daude orain langabezian.

Datu horiek Gipuzkoako eta Hego Euskal Herrikoekin bat egiten dute; izan ere, lurralde hauetan ere langabezia tasak behera egin du, gutxi bada ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.