Faemino eta Cansadoren umore surrealista ibarrean

Aitziber Aranburuzabala Juldain 2015ko ira. 24a, 14:00

Datorren asteburuan Elgetan (urriak 3, 22:30) eta Arrasaten (urriak 4, 19:30) izango dira, Bergarako Pikupe Produkzioak-en eskutik. Orain dela bi urte estreinatu zuten ¡Como en casa ni hablar! ikuskizunarekin datoz.

Publiko fidela dute, baita Debagoienean ere; horren erakusle da Elgetako sarrera guztiak agortuta daudela. Arrasateko saiorako sarrerak 25 eurotan eskura daitezke antzokiko leihatilan eta Arrasate.eus atarian.

Oinarrian, aurreko lanen bidetik doa: agertokian argi fokuak eta mikrofono parea, besterik ez. Hitzak eta keinuak, asko eta azkar, bata bestearen segidan ederto lotuta; horiek dira Faemino eta Cansadoren ikuskizunetako osagai bakarrak. Ez dute gehiagorik behar aretoak lepo betetzeko.

Bihar, egubakoitzeko, Puntua aldizkarian Faemino eta Cansadori buruzko erreportajea jasoko da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak