Europako zuzentarauetan ezarritako hierarkia eta irizpideak jarraituko ditu Aldundia hondakinen kudeaketan eta, hala, aurreikusten dutenez eta "zero zabortegi helburuarekin", "2030. urtean hiriko hondakin solidoen tasa % 70ekoa izango da eta ontzien birziklatze tasak ez du % 80a gaindituko". Azalpenetan sakonduz, bitarteko helburuak lirateke, % 60koa 2020. urterako eta % 70a 2025. urterako. Asensiok gaineratu zuen "kalitate handiko bigarren mailako lehengai birziklatuen benetako merkatua sustatu" nahi dela, zabor birziklatu ezinak eta biodegradagarriak ez direnak soilik bideratuz erraustegietara 2020. urtean; eta, azkenik, derrigorrez eta progresiboki murriztu nahiko litzateke hondakinen isurketa, hiru etapetan eginez (2020, 2025 eta 2030), zabortegietara botatzeko erabateko debekua ezarri arte.
Erraustegia legealdia amaitzerako martxan egongo da
Hala agindu zuen atzo Batzar Nagusietako batzordean Jose Ignacio Asensio, Ingurumeneko diputatuak. Egungo egoera larritzat jo zuen Asensiok, "azpiegiturarik gabe" geratu delako Gipuzkoa eta gaineratu zuen erraustegiaren eraikuntza gelditzeak 45 milioitik gorako galera suposatu duela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
