Hain zuzen ere, uztaileko urte arteko tasa -%8,1 izan zen, eta abuztukoa, -%7,9. Bi datu horiek 2007tik izan diren beherakadarik handiena islatzen dute. "Hala ere, oraindik 156.000 lagun" langabe gisa erregistratuta daudela azpimarratzen du Zuzendaritzak.
Langabezia biziago murrizten dabil gizonezkoen artean (-%10,9) emakumezkoen artean (-%5,2) baino.
Beste alde batetik, gazteen langabezia "nabarmen" murriztu dela dio Zuzendaritzak: hain zuzen, %11.
Jaitsiera txikiagoa izango da atzerritarren artean: abuztuan, %3,4 bakarrik jaitsi da.
Emakume gehiago afiliatu dira
Enpleguari dagokionez, Gizarte Segurantzako afiliazioaren datuek erakusten dute kotizatzaileen kopurua "nabarmen areagotu" dela berriro. Abuztuko urte arteko tasa %1,7 zen, aurreko balioa (%2) baino zertxobait txikiagoa. Afiliazioa gehiago areagotu da emakumeen artean (%2,1) gizonezkoen artean (%1,4) baino, gizonezkoak direlako gehiengoa "enpleguaren sorkuntzan bizitasun gutxien erakusten ari diren jardueretan", Zuzendaritzaren esanetan, hala nola industria manufakturagileak eta eraikuntza.
Zerbitzuetako afiliazioa %2,2 areagotu zen, oro har.
