Bidegik AP-1eko ezpondetako ainguraketa-buloiak berraztertuko ditu

Eskalatze tekniketan adituak diren langileek dihardute lanean.

Aste honetan eta hurrengoan begiratuko ditu; lau, guztira: Leintz Gatzagan bat eta Eskoriatzan bi, Gasteizera bidean; eta Arrasaten beste bat, Eibarrerantz. Ainguraketen lan tentsioa egiaztatzeko eta tentsio hori egindako kalkulu geoteknikoarekin bat datorren baieztatzeko egingo dituzte lanok. Modu horretan, aurrez ezagutu ahal izango dituzte egon daitezkeen patologiak.

Ezpondek duten maldarengatik, Bidelanek eskalatze tekniketan adituak diren langileak kontratatu ditu neurketa lanak gauzatzeko. 

Margotze-lanak

Bestalde, oporraldi garaiko zirkulazio operazioak amaitu ondoren eta urtero legez, Bidelaneko langileak AP-1eko bide zoruen seinaleztapen horizontalak berriz pintatzen ari dira. Gau orduetan ari dira lanean, zirkulazio gutxien dagoenean. Eguraldiak laguntzen badu, lanak bi asteren buruan amaituta egotea espero dute.

AP-1ean ez ezik, AP-8an ere ari dira ezpondak berraztertzen eta seinaleztapen horizontala berriz margotzen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.