Zumaiako Triatloia jokatu zuten zapatuan: esprint erako triatloia –750 metro igerian, 20 kilometro bizikletan eta 5 kilometro korrika– eta triatloi herrikoa –350 igerian, 10 kilometro bizikletan eta 2,5 korrika– egin zuten. Triatloi herrikoan, emakumezkoen sailean Miren Josune Bikuña oñatiarra izan zen irabazlea; eta, esprint erakoan, gazte mailan, Ainhize Barrainkua aretxabaletarra izan zen azkarrena.
Esprint erako proba nagusiaren aurretik, triatloi herrikoia egin zuten. 160 parte-hartzaile irten ziren irteera puntutik. Bada, proba herrikoian, Miren Josune Bikuña oñatiarra izan zen lehenengo neska: 40 minutu eta 46 segundo behar izan zituen Bikuñak. "Pozik" zegoen emaitzarekin; nabarmendu behar da oñatiarraren lehenengo triatloia izan zela.
Esprint erako triatloia
Gazteen mailan, Ainhize Barrainkua Oñati Triatloi Taldeko aretxabaletarra izan zen emakume azkarrena. 1.15.56ko denbora egin zuen Barrainkuak.
