Oñatiko Antxintxiketan eta Arrasate Atletiko taldekoen eskutik, urriaren 10ean egingo dute Arrasate-Oñati lasterketaren 32. edizioa, eta dagoeneko zabalik dago izenemate epea (www.herrikrossa.com webgunean, edo Arrasateko Loramendi dendan, 10 euro ordainduta).
Azken urteotan moduan korrikalari eta patinatzaileendako tokia egongo da (400 guztira) eta Arrasate eta Oñati arteko bidean (12km) ahalik eta gehien erabiliko dute bidegorria, lasterketa antolatzeko horrek ematen dituen erraztasunengatik.
Iaz arrasatearren eta oñatiarren arteko lehia polita izan zen, eta mondragoetarrak nagusitu ziren, gizonezkoetan Endika Donnayk eta emakumezkoetan Nere Arregik irabazi zutelako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.